Manoj jarange on the fire Narendra Modi : मराठा आंदोलक मनोज जरांगे पाटील यांनी मुस्लिम धर्मगुरु सज्जाद नोमानी यांची भेट घेतल्यानंतर त्यांना ट्रोल करणाऱ्यांना ठाम प्रत्युत्तर दिलं आहे. महाराष्ट्र विधानसभा निवडणुकीच्या पार्श्वभूमीवर मनोज जरांगे मराठा, मुस्लिम आणि दलित समाजाला एकत्र आणण्याचा प्रयत्न करत आहेत. दोन दिवसांपूर्वी मनोज जरांगे, मुस्लिम धर्मगुरु सज्जाद नोमानी, आणि आंबेडकरी विचारांचे नेते आनंदराज आंबेडकर यांनी भेट घेतली. यावर काही टीकाकारांनी आणि भाजप समर्थकांनी मनोज जरांगेंवर मुस्लिम धार्जिणे असल्याची टीका केली. यावर मनोज जरांगेंनी प्रतिक्रिया देत परखड उत्तर दिलं. जरांगेंनी म्हटलं, “माझ्यावर मुस्लिम धार्जिणे असल्याचा आरोप करणारे भाजपचे नेते आणि समर्थक स्वतः मुस्लिमांच्या जवळीक साधतात. नरेंद्र मोदी यांनी पाकिस्तानात नवाज शरीफ यांच्या मुलीच्या लग्नाला हजेरी लावली होती. मोदी साहेबांनी बांगलादेशच्या पंतप्रधान शेख हसीना यांना मदतीचा हात दिला होता. हे सगळं मुस्लिम धार्जिणे नाही का? पाशा पटेल, नवाब मलिक, हसन मुश्रीफ यांच्यासोबत भाजप काम करू शकते, तर आम्ही मुस्लिम नेत्यांना भेटलो की त्यात काही गैर आहे का?
“मनोज जरांगे यांनी त्यांच्या भूमिकेचं स्पष्टीकरण देताना सांगितलं की, ते कट्टर हिंदू आहेत आणि छत्रपती शिवाजी महाराजांनी दाखवलेल्या हिंदुत्वाचं पालन करतात. “आपल्याच हिंदू बांधवांकडून मराठा समाजाच्या आरक्षणाला विरोध होत आहे, त्यावर भाजपच्या नेत्यांना काही बोलावंसं वाटत नाही का?” असा सवाल त्यांनी उपस्थित केला.मनोज जरांगे यांच्या या स्पष्ट बोलण्यामुळे त्यांनी हिंदू समाजालाही आरक्षणासाठी एकत्र येण्याचं आवाहन केलं आहे. त्यांनी म्हणलं, “हिंदू समाजाला एकत्र येऊन मराठा समाजाच्या आरक्षणाच्या मुद्द्यावर पाठिंबा द्यायला हवा. आरक्षणाचा मुद्दा फक्त मुस्लिमांशी संबंधित नाही, हा मराठा समाजाच्या अस्तित्वाचा प्रश्न आहे. “जरांगे यांच्या या भूमिकेवर टीका करणाऱ्यांना त्यांनी सांगितलं की, त्यांचं आंदोलन आणि आरक्षणाची मागणी संविधानिक अधिकारांवर आधारित आहे, आणि या मुद्द्यावर कोणताही समाज किंवा धर्म आड येता कामा नये. “माणुसकी ही धर्मापेक्षा श्रेष्ठ आहे. संविधान सांगतं की सगळ्यांना समान संधी मिळायला हवी. आमच्या हिंदू समाजाने मराठा समाजाच्या या संघर्षात साथ द्यावी,” असं आवाहन करत त्यांनी आपल्या मतांची मांडणी केली.
त्यांनी भाजपवर टीका करत म्हटलं, “भाजपने मराठा समाजाला मोठं करण्यासाठी काय केलंय? देवेंद्र फडणवीसांनी आपल्या नेत्यांना आम्हाला ट्रोल करण्यासाठी सांगितलं असेल, पण त्यांनी मराठ्यांचा आवाज ऐकायला हवा. आम्हाला फक्त मुस्लिमांविरुद्ध भिडवायला लागतो, पण मराठा समाजाचे प्रश्न दुर्लक्षित करता येणार नाहीत.”आता महाराष्ट्र विधानसभा निवडणुकांसाठी मनोज जरांगे यांचं मोठं पाऊल म्हणजे मुस्लिम, मराठा, आणि दलित समाजाच्या एकतेची घोषणा आहे. त्यांनी म्हटलं की, मराठा समाजाला न्याय मिळवून देण्यासाठी आणि आरक्षणाच्या प्रश्नावर शासनाला विचार करण्यासाठी ते मुस्लिम आणि दलित समाजासोबत एकजूट करून काम करणार आहेत.यातून स्पष्ट होतं की, मनोज जरांगे यांचं उद्दिष्ट हिंदू-मुस्लिम ऐक्याच्या माध्यमातून समाजाला एकत्र आणण्याचं आहे. या नव्या राजकीय दिशेने त्यांनी आगामी निवडणुकांतून एक वेगळा दृष्टिकोन मांडला आहे, जो मराठा समाजाच्या हक्कांसाठी महत्त्वपूर्ण ठरू शकतो.
