समाजवादी पक्षाचे नेते अबू आझमी यांनी नुकतीच राष्ट्रवादी काँग्रेसचे प्रमुख शरद पवार यांची भेट घेतली आणि या भेटीत त्यांनी महाविकास आघाडीच्या जागावाटपात होणाऱ्या विलंबावर नाराजी व्यक्त केली. आझमी यांचे म्हणणे आहे की, जर उद्यापर्यंत जागावाटप जाहीर झाले नाही, तर समाजवादी पक्ष स्वतंत्रपणे निवडणूक लढवण्याचा निर्णय घेईल, ज्यामुळे महाविकास आघाडीच्या एकजुटीवर प्रश्नचिन्ह निर्माण झाले आहे.आझमी यांनी शरद पवारांकडे पाच जागांची मागणी केली आणि स्पष्टपणे सांगितले, “आम्हाला 5 जागा मिळाव्यात अशी विनंती मी केली आहे. जर आम्हाला तितक्या जागा न मिळाल्या, तर समाजवादी पक्ष 25 जागांवर स्वतंत्र उमेदवार उभा करेल.” त्यांच्या या विधानामुळे महाविकास आघाडीत बंडाची वर्तमन परिस्थिती लक्षात येते.आझमी यांनी सरकार बनवण्याच्या प्रक्रियेत होणाऱ्या उशीराबद्दल चिंता व्यक्त केली. “सरकार बनवायचं आहे, पण उशीर होतोय. ही खूप मोठी चूक आहे,” असे ते म्हणाले. त्यांनी महाविकास आघाडीच्या नेत्यांना वसूल उत्तर देण्याची मागणी केली, कारण यामुळे लोकांमध्ये असंतोष वाढत आहे.
आझमी यांनी दिल्लीतील घडामोडींवरही भाष्य केले. “दिल्लीवाल्यांनी काय निर्णय घेतला हे पाहूया. माझ्याकडे एबी फॉर्म आहे, आणि योग्य उमेदवारांना जागा देईन,” असे त्यांनी सांगितले. त्यांच्या या विधानातून स्पष्ट होते की, ते आपल्या पक्षाचे हित लक्षात घेऊनच निर्णय घेतील.यावेळी त्यांनी नवाब मलिक यांना आव्हान दिले, “तुम्ही समोर या, आणि आपण काय करू शकतो ते बघूया.” आझमी यांनी भाजपवर टीका करत, विशेषतः अल्पसंख्याक आणि आदिवासी मतदारांचा भाजपकडे कल नसल्याचे लक्षात आणून दिले.
आझमी यांचे हे सर्व विधान महाविकास आघाडीतील असंतोषाचे आणि संघर्षाचे संकेत देत आहे. आगामी निवडणुका लक्षात घेता, या आघाडीच्या भविष्यातील रणनीती आणि त्याची एकजुटता याबद्दल चर्चा रंगली आहे. त्यामुळे, आझमी यांचे हे विधान आणि मागणी हे आगामी राजकीय घडामोडींमध्ये महत्त्वपूर्ण ठरू शकते. समाजवादी पक्षाची भूमिका आणि त्यांच्या निर्णयांची दिशा आगामी काळात महाविकास आघाडीवर प्रभावटाकेल, हे निश्चित आहे. आता महाविकास आघाडीतील राष्ट्रवादी शरदचंद्र पवार गट, शिवसेना उद्धव बाळासाहेब ठाकरे गट आणि काँग्रेस हे तिन्ही प्रमुख पक्ष समाजवादी पक्षाबाबत काही विचार करतील का जर महाविकास आघाडीने समाजवादी पक्षाबाबत निर्णय घेतला नाही. तर महाविकास आघाडीला याचे आगामी विधानसभा निवडणुकीत नुकसान होण्याची शक्यता आहे.
