Kashmera Shah Accident : अभिनेत्री कश्मिरा शाहच्या अपघाताची बातमी समजताच चाहत्यांसह अनेक सेलिब्रिटींनी तिची प्रकृती विचारण्यासाठी धाव घेतली आहे. कश्मिराने तिच्या इंस्टाग्राम अकाऊंटवर अपघाताशी संबंधित काही फोटो शेअर केले आहेत, ज्यामुळे तिच्या चाहत्यांना आणि इंडस्ट्रीतील सहकाऱ्यांना मोठा धक्का बसला आहे. या फोटोमध्ये तिचे कपडे रक्ताने माखलेले दिसत असून, तीने या घटनेचे वर्णन करत देवाचे आभार मानले आहेत.(Kashmera Shah Accident)
कश्मिरा शाहच्या पोस्टने चाहत्यांमध्ये चिंता
कश्मिराने तिच्या इंस्टाग्राम पोस्टमध्ये लिहिले आहे की, “देवाचे आभार मानते की माझं जीव वाचलं. ही घटना अतिशय भयानक होती आणि काहीतरी मोठं होणार होतं, पण मी थोडक्यात बचावले. मला आशा आहे की, लागलेल्याच्या खूणा नाहीशा होतील. प्रत्येक दिवस एका क्षणासारखा जगा.”
तिच्या या पोस्टमुळे अनेकांनी तिच्यासाठी प्रार्थना केली आहे. तिच्या नवऱ्याने, अभिनेता कृष्णा अभिषेकने देखील पोस्टवर कमेंट करत चिंता व्यक्त केली. “देवाच्या कृपेने तू आता ठीक आहेस,” असे त्याने लिहिले. तसेच किश्वर मर्चंट, दीपशिखा नागपाल, आणि पूजा भट्टसारख्या सेलिब्रिटींनी तिच्या तब्येतीची विचारपूस करत लवकर बरी होण्यासाठी शुभेच्छा दिल्या आहेत. (Kashmera Shah Accident)
कश्मिराच्या अपघाताची माहिती अद्याप अस्पष्ट
कश्मिरा शाह सध्या लॉस एंजेलिसमध्ये असून, अपघात नेमका कसा झाला याबाबत अद्याप कोणतीही स्पष्ट माहिती समोर आलेली नाही. मात्र, कश्मिराच्या पोस्टवरून असे दिसते की, हा अपघात गंभीर स्वरूपाचा होता. तीने लिहिले आहे की, “मला माझ्या कुटुंबाची खूप आठवण येत आहे,” तसेच तिने आपल्या दोन्ही मुलांची नावे रायन आणि कृष्णांग पोस्टमध्ये लिहिली आहेत.
कृष्णा अभिषेक आणि मुलं काही दिवसांपूर्वी मुंबईत होते. त्यावेळी या कुटुंबाने काही मजेदार रील्स शेअर केल्या होत्या. कश्मिरा त्या रील्समध्ये दिसली नसली तरी तिच्या नवऱ्याच्या आणि मुलांच्या व्हिडिओंमधून ती त्यांना खूप मिस करत असल्याचे तिने सांगितले होते. मात्र, तिच्या अचानक अपघाताच्या बातमीने सर्वांनाच काळजीत टाकले आहे.
इंडस्ट्रीतील कलाकारांची प्रतिक्रिया
कश्मिराच्या पोस्टवर अनेक कलाकारांनी प्रतिक्रिया दिल्या आहेत. राजेश खट्टर यांनी विचारले, “अरे देवा, हे काय झाले कॅश?” किश्वर मर्चंटने लिहिले, “अरे देवा, तू ठीक आहेस ना?” पूजा भट्टनेही तिची चिंता व्यक्त करत विचारले, “कॅश, काय झाले? तू काळजी घेत आहेस ना?” या प्रतिक्रियांवरून इंडस्ट्रीतील कलाकार कश्मिराच्या तब्येतीबद्दल किती चिंतित आहेत, हे स्पष्ट होते.
चाहत्यांची प्रार्थना आणि शुभेच्छा
कश्मिराच्या चाहत्यांनी तिच्या पोस्टवर प्रेम आणि शुभेच्छांचा वर्षाव केला आहे. “तुम्ही बरी व्हाल, अशी आम्हाला खात्री आहे,” असे अनेकांनी लिहिले आहे. काही चाहत्यांनी तर तिच्यासाठी प्रार्थना देखील केली आहे. “तुम्ही लवकरात लवकर बऱ्या व्हा,” असा संदेश चाहत्यांनी दिला आहे.
कुटुंबासाठी काळजी व्यक्त
कश्मिरा सध्या अपघातातून सावरत असून तिला तिच्या कुटुंबाची खूप आठवण येत आहे, असे तिच्या पोस्टवरून समजते. कृष्णा अभिषेक आणि त्यांच्या मुलांचे नाव घेऊन तिने कुटुंबासाठीची आपली प्रेमभावना व्यक्त केली आहे. कश्मिरा शाहने केलेली ही पोस्ट जरी काळजीत टाकणारी असली तरी तिच्या प्रकृतीत सुधारणा होत आहे, असे दिसते. तिचे चाहते आणि सहकारी लवकरच ती पुन्हा हसरी आणि उत्साही स्वरूपात दिसावी, अशी प्रार्थना करत आहेत.
