Amit Thackeray On Mahim Crime News : मुंबईच्या सायन कोळीवाड्यातील पंजाब कॉलनीत सोमवारी रात्री घडलेली एक भयंकर घटना सध्या शहरभर चर्चेत आहे. या घटनेने संपूर्ण मुंबई हादरून गेली आहे. ड्रग्सच्या नशेत बधिर झालेल्या नराधमाने तीन वर्षांच्या चिमुकलीवर अमानुष अत्याचार केला. ही घटना केवळ त्या निष्पाप मुलीवर अन्याय करणारी नाही, तर आपल्या समाजाच्या संवेदनांवर केलेला एक घाला आहे. सध्या ती चिमुकली सायन रुग्णालयात उपचार घेत असून तिची प्रकृती गंभीर आहे. या घटनेमुळे मुंबईतील नागरिकांमध्ये संतापाची लाट उसळली आहे.
Amit Thackeray On Mahim Crime News
या घटनेवर भाष्य करत महाराष्ट्र नवनिर्माण सेनेचे नेते अमित ठाकरे यांनी आपल्या सोशल मीडिया पोस्टद्वारे कठोर शब्दांत नाराजी व्यक्त केली. त्यांनी या घटनेला फक्त एक अपराध मानण्यापेक्षा समाजाच्या मूल्यांवर हल्ला मानलं आहे. या प्रकारातून संपूर्ण शहराला जाग यायला हवी आणि अशा घटनांना थांबवण्यासाठी एकत्र प्रयत्न करायला हवेत, असं त्यांनी म्हटलं आहे.
Amit Thackeray On Mahim Crime News
ड्रग्सचा मुद्दा हाताळताना त्यांनी स्पष्ट केलं की, मुंबईसह अनेक शहरांमध्ये ड्रग्सचं प्रमाण चिंताजनकरीत्या वाढतं आहे. हे फक्त समाजाचं स्वास्थ्य नष्ट करत नाही, तर मुलींच्या आणि महिलांच्या सुरक्षिततेलाही धोका निर्माण करतं. काही महिन्यांपूर्वी सायन रुग्णालयात एका महिला डॉक्टरवर मद्यधुंद रुग्णाने केलेल्या हल्ल्याचं उदाहरण त्यांनी नमूद केलं. अशा घटना फक्त घडत नाहीत, तर त्यांमुळे महिलांमध्ये भीतीचं वातावरण निर्माण होतं.
Amit Thackeray On Mahim Crime News
ड्रग्सचा प्रवाह थांबवणं आता अत्यावश्यक झालं आहे, असं त्यांनी स्पष्ट केलं. भारतीय नौसेनेकडून अलीकडेच अंदमान समुद्रात ५ टन ड्रग्स पकडण्यात आलं. इतक्या मोठ्या प्रमाणावर ड्रग्स भारतात येतं कसं? त्याचा वापर कुठे होतो? आणि या साखळीच्या मागे कोण आहेत? या सगळ्याचा शोध घेणं महत्त्वाचं असल्याचं त्यांनी ठासून सांगितलं.
Amit Thackeray On Mahim Crime News
मनसेने सुरुवातीपासूनच ड्रग्सच्या विरोधात भूमिका घेतली आहे. अमित ठाकरे यांनी त्यांच्या वचननाम्यात ड्रग्स विक्री आणि सेवन करणाऱ्यांवर कठोर कारवाई करण्याचं आश्वासन दिलं होतं. सध्या ते त्या दिशेने पावलं उचलत असल्याचं त्यांनी सांगितलं.
सायनमधील या घटनेत आरोपीला अटक झाली असली तरी फक्त अटक पुरेशी नाही, असं मत त्यांनी व्यक्त केलं. आरोपीला जलदगतीने शिक्षा होण्यासाठी योग्य न्यायालयीन प्रक्रिया राबवली गेली पाहिजे. त्यांनी यावर कडक भाष्य करत सांगितलं की, जर या प्रकरणात ठोस कारवाई झाली नाही, तर महाराष्ट्र नवनिर्माण सेना अशा नराधमांना त्यांची जागा दाखवल्याशिवाय स्वस्थ बसणार नाही.
मुलींच्या सुरक्षिततेसाठी आणि ड्रग्समुक्त महाराष्ट्रासाठी मनसेचा संकल्प दृढ आहे, असं त्यांनी ठामपणे सांगितलं. आपल्या पोस्टच्या शेवटी त्यांनी समाजातील सर्व लोकांना आवाहन केलं की, आपण सर्वांनी एकत्र येऊन अशा घटनांवर कठोर पावलं उचलण्याची गरज आहे.
'हे' फक्त शब्द नाहीत, तर इशारा आहे! सायन कोळीवाड्यातील पंजाब कॉलनीत काल रात्री घडलेल्या एका भयंकर घटनेनं संपूर्ण मुंबई…
Posted by Amit Thackeray on Tuesday, November 26, 2024
त्यांच्या या पोस्टमुळे नागरिकांमध्ये नवीन ऊर्जा निर्माण झाली आहे. या घटनेमुळे सरकारने आणि समाजाने मिळून अशा घटनांना आळा घालण्यासाठी ठोस उपाययोजना करण्याची गरज आहे. ड्रग्सच्या विळख्यात सापडलेल्या समाजाला वाचवण्यासाठी आता कठोर पावलं उचलणं गरजेचं आहे.
